Filipos 3:17-19

Ang Salita ng Dios (Tagalog Contemporary Bible)

¹⁷ Mga kapatid, tularan nʼyo ako, at tularan din ninyo ang iba pang namumuhay nang tulad namin. ¹⁸ Sapagkat maraming namumuhay na salungat sa aral tungkol sa kamatayan ni Cristo sa krus. Ilang ulit ko nang sinabi sa inyo ang tungkol sa kanila, at naluluha akong ipaalala ulit ito sa inyo ngayon. ¹⁹ Kapahamakan ang kahihinatnan nila dahil dinidios nila ang kanilang tiyan.^[a] Ipinagmamalaki pa nila ang mga bagay na dapat sana nilang ikahiya, at wala silang iniisip kundi ang mga makamundong bagay.