Filipos 4:8-10

Ang Biblia (1978)

⁸ Katapustapusan, mga kapatid, anomang bagay na katotohanan, anomang bagay na kagalanggalang, anomang bagay na matuwid, anomang bagay na malinis, anomang bagay na kaibigibig, ^(A)anomang bagay na mabuting ulat; kung may anomang kagalingan, at kung may anomang kapurihan, ay isipin ninyo ang mga bagay na ito.

⁹ Ang mga bagay na inyong natutuhan ^(B)at tinanggap at narinig at nakita sa akin, ang mga bagay na ito ang gawin ninyo: at ^(C)ang Dios ng kapayapaan ay sasa inyo.

¹⁰ Datapuwa't ako'y totoong nagagalak sa Panginoon, na ngayon sa kahulihulihan ay inyong binuhay ang ^(D)inyong pagmamalasakit sa akin; na dito'y katotohanang nangagkaroon kayo ng malasakit, nguni't ^(E)kayo'y nagkulang ng mabuting pagkakataon.