Galacia 1:4-6

Ang Salita ng Dios (Tagalog Contemporary Bible)

⁴ Inialay ni Cristo ang sarili niya para sa mga kasalanan natin, ayon sa kalooban ng ating Dios at Ama. Ginawa niya ito para mailigtas tayo sa kasamaan nitong kasalukuyang mundo. ⁵ Purihin natin ang Dios magpakailanman! Amen.

Iisa Lang ang Magandang Balita

⁶ Nagtaka ako dahil ang dali ninyong tumalikod sa Dios na tumawag sa inyo sa pamamagitan ng biyaya ni Cristo. Bumaling kayo sa ibang magandang balita na hindi naman totoo.