Galacia 2:17-19

Magandang Balita Biblia

¹⁷ Ngunit kung sa pagsisikap naming mapawalang-sala sa pamamagitan ni Cristo ay matagpuan kaming makasalanan pa, nangangahulugan bang si Cristo ay tagapagtaguyod ng kasalanan? Hinding-hindi! ¹⁸ Ngunit kung itinatayo kong muli ang winasak ko na, ipinapakita kong makasalanan nga ako. ¹⁹ Ako'y namatay na sa Kautusan sa pamamagitan rin ng Kautusan upang ngayo'y mabuhay para sa Diyos. Ako'y kasama ni Cristo na ipinako sa krus.