Galat 4:14-16

Nouvo Testaman: Vèsyon Kreyòl Fasil

¹⁴ Maladi m nan te yon fado pou nou. Men, nou pa t janm derespekte m^[a] pou te fè m pati. Okontrè, nou te akeyi m kòmsi m te yon anj Bondye voye; nou te aksepte m kòmsi m te Jezikris menm! ¹⁵ Lè sa a, nou te si kontan. Sa k pase, kote lajwa sa a? Mwen kapab di san okenn dout: Nou t ap fè tout sa k posib pou n ede m. E si se te posib, nou t ap prèt pou rache pwòp je nou ban mwen. ¹⁶ Èske m vin tounen yon lènmi pou nou, paske m di nou verite a?