Gawa 4:15-17

Ang Salita ng Diyos

¹⁵ At inutusan nila silang lumabas sa Sanhedrin, sila ay nagsanggunian sa isa’t isa. ¹⁶ Kanilang sinabi: Anong gagawin natin sa mga lalaking ito? Ito ay sapagkat tunay na ang tanyag na tanda na nangyari sa pamamagitan ng mga lalaking ito ay nalaman ng lahat ng mga naninirahan sa Jerusalem at hindi natin ito maikakaila. ¹⁷ Upang hindi na ito kumalat pa sa mga tao, bantaan natin sila na mula ngayon ay huwag nang magsalita sa kaninuman sa pangalang ito.