Gawa 5:16-18

Ang Salita ng Dios (Tagalog Contemporary Bible)

¹⁶ Hindi lang iyan, kundi marami ring mga tao mula sa mga kalapit baryo ang dumating sa Jerusalem na may dalang mga may sakit at mga taong sinasaniban ng masamang espiritu. At gumaling silang lahat.

Ang Pag-uusig sa mga Apostol

¹⁷ Labis na nainggit ang punong pari at ang mga kasama niyang miyembro ng grupong Saduceo. ¹⁸ Kaya dinakip nila ang mga apostol at ikinulong.