Genesis 41:53-57

Ang Biblia (1978)

⁵³ At ang pitong taon ng kasaganaan na nagkaroon sa lupain ng Egipto ay natapos.

Ang pagkakagutom.

^54 (A)At ang pitong taon ng kagutom ay nagpasimulang dumating, ^(B)ayon sa sinabi ni Jose: at nagkagutom sa lahat ng lupain; datapuwa't sa buong lupain ng Egipto ay may tinapay.

⁵⁵ At nang ang buong lupain ng Egipto ay magutom, ay dumaing ng tinapay ang bayan kay Faraon: at sinabi ni Faraon sa lahat ng mga Egipcio, Pumaroon kayo kay Jose; ang kaniyang sabihin sa inyo ay inyong gawin.

⁵⁶ At ang kagutom ay nasa ibabaw ng buong lupa: at binuksan ni Jose ang lahat ng kamalig at nagbili sa mga Egipcio; ^(C)at lumala ang kagutom sa lupain ng Egipto.

⁵⁷ At lahat ng mga taga ibang lupain ay nagsiparoon kay Jose upang magsibili ng trigo; sapagka't lumala ang kagutom sa buong lupa.