Genesis 11:1-4

Magandang Balita Biblia

Ang Tore ng Babel

11 Sa simula'y iisa ang wika at magkakapareho ang mga salitang ginagamit ng lahat ng tao sa daigdig. ² Sa kanilang pagpapalipat-lipat sa silangan,^[a] nakarating sila sa isang kapatagan sa Shinar at doon na nanirahan. ³ Nagkaisa silang gumawa ng maraming tisa at lutuin itong mabuti para tumibay. Tisa ang ginagamit nilang bato at alkitran ang kanilang semento. ⁴ Ang sabi nila, “Halikayo at magtayo tayo ng isang lunsod na may toreng abot sa langit upang maging tanyag tayo at huwag nang magkawatak-watak sa daigdig.”