Genesis 30:37-39

Ang Salita ng Dios (Tagalog Contemporary Bible)

³⁷ Kumuha si Jacob ng mga sanga ng almendro, abilyano, at kastanyo, at binalat-balatan niya ito. Pero hindi niya lubos na binalatan, kaya may batik-batik na puti kapag tiningnan ang mga sanga. ^38-39 Inilagay niya ang mga sangang iyon sa harapan ng painuman ng mga hayop para makita ng mga ito kapag iinom sila. Doon sa harapan ng mga sanga nagkakastahan^[a] ang mga kambing kapag umiinom sila. Batik-batik ang mga anak nila kapag nanganganak sila.