Genesis 6:8-12

Ang Salita ng Dios (Tagalog Contemporary Bible)

⁸ Pero may isang tao na nakapagbigay-lugod sa Panginoon, siya ay si Noe.

Si Noe

⁹ Ito ang salaysay tungkol sa pamilya ni Noe.

Si Noe ay makadios. Siya lang ang namumuhay na matuwid sa kapanahunan niya, at malapit ang kanyang relasyon sa Dios. ¹⁰ May tatlo siyang anak na lalaki na sina Shem, Ham at Jafet.

¹¹ Napakasama na ng mga tao sa paningin ng Dios, at ang kanilang kasamaan ay laganap na sa mundo. ¹² Nakita ng Dios na lubhang masama ang mga tao sa mundo dahil ang ginagawa nila ay puro kasamaan.