Genesis 13:4-7

Magandang Balita Biblia (with Deuterocanon)

⁴ Pumunta siya sa dating pinagtayuan niya ng altar, at doon sumamba kay Yahweh.

⁵ Si Lot, na kasa-kasama ni Abram ay marami na ring tupa, kambing at baka. Mayroon na rin siyang sariling pamilya at mga tauhan. ^6-7 Dahil napakarami na ng kanilang mga hayop, hindi na sapat ang pastulan para sa mga kawan nina Abram at Lot. Kaya't madalas nag-aaway ang mga pastol nila. Nang panahon ding iyon, ang mga Cananeo at Perezeo ay naninirahan pa sa lugar na iyon.