Genesis 2:15-17

Magandang Balita Biblia (with Deuterocanon)

¹⁵ Inilagay ng Panginoong Yahweh ang tao sa halamanan ng Eden upang ito'y pagyamanin at pangalagaan. ¹⁶ Sinabi niya sa tao, “Makakain mo ang alinmang bungangkahoy sa halamanan, ¹⁷ maliban sa bunga ng punongkahoy na nagbibigay ng kaalaman tungkol sa mabuti at masama. Huwag na huwag mong kakainin ang bungang iyon, sapagkat sa araw na kainin mo iyon ay mamamatay ka.”