Genesis 23:13-15

Magandang Balita Biblia (with Deuterocanon)

¹³ at sinabi niya kay Efron na naririnig ng lahat, “Kung maaari'y pakinggan mo ako. Bibilhin ko ang buong lupain. Tanggapin mo ang tamang kabayaran upang mailibing ko roon ang aking asawa.”

¹⁴ Sumagot si Efron kay Abraham, ¹⁵ “Apatnaraang pirasong pilak po ang halaga ng lupa. Huwag na nating pag-usapan; basta't paglibingan na ninyo.”