Genesis 23:7-9

Ang Salita ng Dios (Tagalog Contemporary Bible)

⁷ Yumukod agad si Abraham sa harapan ng mga Heteo. ⁸ Pagkatapos, sinabi niya, “Kung payag kayo na rito ko ilibing ang asawa ko, tulungan nʼyo ako na kausapin si Efron na anak ni Zohar ⁹ na ibenta niya sa akin ang kweba niya na nasa tabi ng bukirin niya sa Macpela. Sabihin ninyo sa kanya na babayaran ko siya sa tamang halaga rito mismo sa harapan ninyo para maging akin ito at gawing libingan.”