Genesis 24:7-9

Ang Biblia (1978)

⁷ Ang Panginoon, ang Dios ng langit, ^(A)na kumuha sa akin sa bahay ng aking ama, at sa lupaing aking tinubuan, at sa akin ay nagsalita, at sa akin ay sumumpa, na nagsasabi, ^(B)Sa iyong binhi, ibibigay ko ang lupaing ito: ay magsusugo ^(C)siya ng kaniyang anghel sa unahan mo, at papag-aasawahin mo roon ang aking anak.

⁸ At kung ang babae ay ayaw sumama sa iyo, ay ^(D)maliligtas ka rito sa aking sumpa; huwag mo lamang pabalikin ang aking anak doon.

⁹ At inilagay ng alilang katiwala ang kaniyang kamay sa ilalim ng hita ni Abraham na kaniyang panginoon, at sumumpa sa kaniya tungkol sa bagay na ito.