Genesis 25:19-21

Ang Salita ng Dios (Tagalog Contemporary Bible)

Ipinanganak sina Esau at Jacob

¹⁹ Ito ang salaysay tungkol sa pamilya ni Isaac na anak ni Abraham.

²⁰ Si Isaac ay 40 taong gulang nang napangasawa niya si Rebeka na anak ni Betuel na Arameo na taga-Padan Aram.^[a] Si Rebeka ay kapatid ni Laban na Arameo rin.

²¹ Dahil baog si Rebeka, nanalangin si Isaac sa Panginoon na magkaanak ito. Tinugon ng Panginoon ang dalangin niya, kaya nagbuntis si Rebeka.