Genesis 3:7-9

Ang Salita ng Dios (Tagalog Contemporary Bible)

⁷ Pagkatapos nilang kumain, nalaman nila kung ano ang mabuti at ang masama, at napansin nila na hubad pala sila. Kaya pinagtagni-tagni nila ang mga dahon ng puno ng igos para ipantakip sa kanilang katawan.

⁸ Pagdating ng hapon, narinig nila na lumalakad ang Panginoong Dios sa halamanan. Kaya nagtago sila sa mga puno doon. ⁹ Pero tinawag ng Panginoong Dios ang lalaki, “Nasaan ka?”