Genesis 3:7-9

Magandang Balita Biblia

⁷ Nagkaroon nga sila ng pagkaunawa matapos kumain. Noon nila nalamang sila'y hubad, kaya kumuha sila ng mga dahon ng igos, pinagtahi-tahi nila ang mga ito at ginawang panakip sa katawan.

⁸ Nang dapit-hapon na, narinig nilang naglalakad sa halamanan ang Panginoong Yahweh, kaya't nagtago sila sa mga puno. ⁹ Ngunit tinawag niya ang lalaki at tinanong, “Saan ka naroon?”