Genesis 31:4-6

Magandang Balita Biblia (with Deuterocanon)

⁴ Pinasabihan ni Jacob si Raquel at si Lea na tagpuin siya sa parang na kinaroroonan ng kanyang mga kawan. ⁵ Sinabi niya sa kanila, “Napansin kong iba na ang pagtingin sa akin ng inyong ama, hindi na tulad ng dati. Subalit hindi ako pinabayaan ng Diyos ng aking mga magulang. ⁶ Alam ninyong ginugol ko ang aking buong lakas sa paglilingkod sa inyong ama.