Genesis 32:25-27

Ang Salita ng Dios (Tagalog Contemporary Bible)

²⁵ Nang mapansin niya na hindi niya matatalo si Jacob, pinisil niya ang balakang ni Jacob at nalinsad ang magkatapat na buto nito. ²⁶ At sinabi ng tao, “Bitawan mo na ako dahil mag-uumaga na.”

Pero sumagot si Jacob, “Hindi kita bibitawan hanggaʼt hindi mo ako babasbasan.”

²⁷ Nagtanong ang tao sa kanya, “Anong pangalan mo?”

Sumagot siya, “Jacob.”