Genesis 37:24-26

Ang Biblia (1978)

²⁴ At kanilang sinunggaban, at kanilang itinapon sa balon: at ang balon ay tuyo, walang tubig.

Ipinagbili si Jose sa Egipto.

²⁵ At nagsiupo upang kumain ng tinapay, at kanilang itiningin ang kanilang mga mata at tumingin sila, at, narito, ang isang pulutong na mga ^(A)Ismaelita na nagsisipanggaling sa Gilead sangpu ng kanilang mga kamelyo at may dalang mga ^(B)pabango, at mga ^(C)balsamo, at mga mirra, na kanilang dadalhin sa Egipto.

²⁶ At sinabi ni Juda sa kaniyang mga kapatid. Anong ating mapapakinabang kung ating patayin ang ating kapatid, ^(D)at ilihim ang kaniyang dugo?