Genesis 39:8-10

Ang Biblia (1978)

⁸ Datapuwa't siya'y tumanggi at sinabi niya sa asawa ng kaniyang panginoon, Narito, ang aking panginoon ay hindi nakikialam sa akin tungkol sa nasa bahay, at lahat ng kaniyang tinatangkilik ay ipinamahala sa aking kamay;

⁹ Walang sinomang dakila kay sa akin sa bahay na ito; walang ipinagkait sa aking anomang bagay, kung di ikaw lamang, sapagka't ikaw ay kaniyang asawa: paano ngang aking magagawa itong malaking kasamaan, ^(A)at kasalanan laban sa Dios?

¹⁰ At nangyari, na nakikiusap man siya kay Jose araw-araw, ay hindi ^(B)nakikinig sa kaniya na siya'y sipingan, o pakisamahan.