Genesis 4:1-3

Magandang Balita Biblia (with Deuterocanon)

Si Cain at si Abel

4 Sinipingan ni Adan ang kanyang asawa at ito'y nagdalang-tao. Nang isilang ang kanyang panganay na lalaki ay sinabi ni Eva: “Nagkaroon ako ng anak na lalaki sa tulong ni Yahweh.” Kaya Cain^[a] ang ipinangalan niya rito. ² Sinundan si Cain ng isa pang anak na lalaki, at Abel naman ang ipinangalan dito. Naging pastol ito at si Cain naman ay naging magsasaka. ³ Dumating ang panahon na si Cain ay naghandog kay Yahweh ng ani niya sa bukid.