Genesis 40:6-8

Magandang Balita Biblia

⁶ Kinaumagahan, nang dumalaw si Jose, napuna niyang nababalisa ang dalawa. ⁷ Tinanong niya kung bakit, ⁸ at sila nama'y nagpaliwanag. “Alam mo, pareho kaming nanaginip, ngunit wala ni isa mang makapagpaliwanag ng kahulugan ng mga iyon.”

“Ang Diyos lamang ang nakapagpapaunawa sa atin ng kahulugan ng mga panaginip,” sabi ni Jose. “Ano ba ang napanaginipan ninyo?”