Genesis 43:14-16

Ang Biblia (1978)

¹⁴ At pagkalooban nawa kayo ng Dios na ^(A)Makapangyarihan sa lahat ng ^(B)kaawaan sa harap ng lalaking yaon, upang isauli sa inyo ang inyong isang kapatid at si Benjamin. ^(C)At kung mawalan ako ng mga anak, ay mawalan ako.

¹⁵ At dinala ng mga lalake ang kaloob na yaon, at ibayong halaga ng salapi ang dinala sa kanilang kamay, at si Benjamin; at nagsipagtindig, at nagsibaba sa Egipto, at nagsiharap kay Jose.

¹⁶ At nang makita ni Jose si Benjamin na ^(D)kasama nila, ay sinabi niya sa katiwala ng kaniyang bahay: Dalhin mo ang mga lalaking iyan sa bahay, at magpatay ka ng mga hayop, at ihanda mo; sapagka't ang mga lalaking iyan ay magsisipananghaling kasalo ko.