Genesis 45:3-5

Ang Biblia (1978)

³ At sinabi ni Jose sa kaniyang mga kapatid, ^(A)Ako'y si Jose; buháy pa ba ang aking ama? At ang kaniyang mga kapatid ay hindi mangakasagot sa kaniya: sapagka't sila'y nagugulumihanan sa kaniyang harap.

⁴ At sinabi ni Jose sa kaniyang mga kapatid, Lumapit kayo sa akin, isinasamo ko sa inyo. At sila'y lumapit. At kaniyang sinabi: Ako'y si Jose na inyong kapatid, na ^(B)inyong ipinagbili upang dalhin sa Egipto.

⁵ At ngayo'y huwag kayong magdalamhati, o magalit man sa inyong sarili na inyo akong ipinagbili rito: ^(C)sapagka't sinugo ako ng Dios sa unahan ninyo upang magadya ng buhay.