Genesis 8:18-20

Magandang Balita Biblia

¹⁸ At lumabas na nga si Noe at ang kanyang asawa, mga anak at mga manugang. ¹⁹ Gayundin, sunud-sunod na lumabas ang lahat ng hayop, mailap at maamo, lahat ng gumagapang at lumalakad, pati ang mga ibon ayon sa kani-kanilang uri.

Naghandog si Noe

²⁰ Si Noe ay nagtayo ng altar para kay Yahweh. Kumuha siya ng isa sa bawat malinis na hayop at ibon, at sinunog bilang handog.