Genesis 9:9-11

Magandang Balita Biblia

⁹ “Ako'y nakikipagtipan sa inyo ngayon, pati na sa inyong magiging mga anak, ¹⁰ gayon din sa lahat ng mga bagay na may buhay sa paligid ninyo—sa mga ibon, pati sa maaamo't maiilap na hayop na kasama ninyo sa barko. ¹¹ Ito ang aking pakikipagtipan sa inyo: Kailanma'y hindi ko na lilipulin sa pamamagitan ng baha ang lahat ng may buhay. Wala nang baha na gugunaw sa daigdig.”