Habakuk 1:15-17

Magandang Balita Biblia (with Deuterocanon)

¹⁵ Binibingwit sila ng mga taga-Babilonia na wari'y isda.
    Itinataboy nila ang mga ito sa mga lambat,
    at pagkatapos ay nagsisigawan sa galak!
¹⁶ Kaya't sinasamba pa nila ang kanilang mga lambat,
    at nag-aalay ng mga handog;
sapagkat ito ang nagbibigay sa kanila ng karangyaan.
¹⁷ Patuloy ba nilang gagamitin ang kanilang tabak
    at walang awang pupuksain ang mga bansa?