Habakuk 1:3-5

Ang Biblia, 2001

³ Bakit mo hinahayaang makita ko ang kamalian,
    at tingnan ang kasamaan?
Ang kasiraan at karahasan ay nasa harapan ko;
    paglalaban at pagtatalo ay lumilitaw.
⁴ Kaya't ang batas ay hindi pinapansin,
    at ang katarungan ay hindi kailanman nangingibabaw.
Sapagkat pinaliligiran ng masama ang matuwid;
    kaya't ang katarungan ay nababaluktot.

⁵ Magmasid^(A) kayo sa mga bansa, at tumingin kayo;
    mamangha at magtaka.
Sapagkat ako'y gumagawa ng isang gawain sa inyong mga araw
    na hindi ninyo paniniwalaan kapag sinabi sa inyo.