Habakuk 1:6-8

Ang Biblia, 2001

⁶ Sapagkat^(A) narito, aking ginigising ang mga Caldeo,
    ang malupit at marahas na bansa,
na lumalakad sa kaluwangan ng lupa,
    upang sakupin ang mga tahanang hindi kanila.
⁷ Sila'y kakilakilabot at nakakatakot;
    ang kanilang katarungan at karangalan ay mula sa kanilang sarili.
⁸ Ang kanilang mga kabayo ay matutulin kaysa mga leopardo,
    higit na mababangis kaysa panggabing asong-gubat
    at ang kanilang mga mangangabayo ay mabibilis.
Ang kanilang mga mangangabayo ay galing sa malayo;
    sila'y lumilipad na parang agila na nagmamadali upang manakmal.