Hebreo 6:13-15

Ang Salita ng Dios (Tagalog Contemporary Bible)

Tiyak ang Pangako ng Dios

¹³ Tingnan nʼyo ang karanasan ni Abraham: Nang mangako ang Dios kay Abraham, hindi siya gumamit ng ibang pangalan para patunayan ang pangako niya, kundi ginamit niya ang sarili niyang pangalan dahil wala nang makahihigit pa sa kanya. ¹⁴ Sinabi niya, “Talagang pagpapalain kita at pararamihin ko ang lahi mo.”^{[a] 15} At pagkatapos ng matiyagang paghihintay, natanggap ni Abraham ang mga ipinangako sa kanya.