Hebreo 9:15-17

Ang Salita ng Dios (Tagalog Contemporary Bible)

¹⁵ Kaya si Cristo ang ginawang tagapamagitan sa atin at sa Dios sa bagong kasunduan. Sapagkat sa pamamagitan ng kanyang kamatayan, tinubos niya ang mga taong lumabag sa unang kasunduan. Dahil dito, matatanggap ng mga tinawag ng Dios ang walang hanggang pagpapala na ipinangako niya. ¹⁶ Maihahalintulad ito sa isang huling testamento na kailangang mapatunayan na namatay na ang gumawa nito, ¹⁷ dahil wala itong bisa habang nabubuhay pa siya. Nagkakabisa lang ang isang testamento kapag namatay na ang gumawa nito.