Hosea 10:9-11

Ang Salita ng Dios (Tagalog Contemporary Bible)

Hinatulan ang Israel

⁹ Sinabi ng Panginoon, “Kayong mga mamamayan ng Israel ay patuloy sa pagkakasala mula pa noong magkasala ang inyong mga ninuno roon sa Gibea. Hindi kayo nagbago. Kaya kayong mga lahi ng masasama ay lulusubin sa Gibea. ¹⁰ Gusto ko na kayong parusahan. Kaya magsasanib ang mga bansa upang lusubin kayo^[a] dahil sa patuloy ninyong pagkakasala. ¹¹ Noon, para kayong dumalagang baka na sinanay na gumiik at gustong-gusto ang gawaing ito. Pero ngayon, pahihirapan ko kayong mga taga-Israel^[b] at pati ang mga taga-Juda. Magiging tulad kayo ng dumalagang baka na sisingkawan ang makinis niyang leeg at pahihirapan sa paghila ng pang-araro.