Hosea 6:9-11

Ang Salita ng Dios (Tagalog Contemporary Bible)

⁹ Ang inyong mga pari ay parang mga tulisan na nag-aabang ng kanilang mabibiktima. Pumapatay sila sa daang patungo sa Shekem,^[a] at gumagawa ng marami pang nakakahiyang gawain. ¹⁰ Mga taga-Israel, kakila-kilabot ang nakita ko sa inyo. Sumasamba kayo sa mga dios-diosan, kaya naging marumi^[b] kayo. ¹¹ Kayo ring mga taga-Juda ay nakatakda nang parusahan.

“Gusto ko sanang ibalik ang mabuting kalagayan ng aking mga mamamayan.”