Hosea 7:12-14

Ang Salita ng Dios (Tagalog Contemporary Bible)

¹² Pero habang pumaparoon sila, pipigilan^[a] ko sila na parang ibon na nahuli sa lambat at hinila pababa. Parurusahan ko sila ayon sa aking sinabi sa kanilang pagtitipon. ¹³ Nakakaawa sila dahil lumayo sila sa akin. Lilipulin ko sila dahil naghimagsik sila sa akin. Gusto ko sana silang iligtas, pero nagsalita sila ng kasinungalingan tungkol sa akin. ¹⁴ Hindi tapat ang kanilang pagtawag sa akin. Umiiyak sila sa kanilang mga higaan at sinasaktan ang sarili^[b] habang humihingi ng pagkain at inumin sa mga dios-diosan.