Hosea 7:13-15

Magandang Balita Biblia (with Deuterocanon)

¹³ “Mapapahamak sila dahil sa paglayo sa akin!
    Lilipulin sila sapagkat naghimagsik sila laban sa akin!
Tutubusin ko sana sila,
    ngunit nagsasalita sila ng kasinungalingan laban sa akin.
¹⁴ Tumatangis sila sa kanilang mga higaan,
    ngunit hindi taos puso ang kanilang pagtawag sa akin.
Sinasaktan nila ang sarili dahil sa pagkain at sa alak,
    pagkatapos ay naghihimagsik sila laban sa akin.
¹⁵ Bagama't sinanay ko sila at pinalakas,
    nagbalak pa sila ng masama laban sa akin.