Hosea 8:3-5

Magandang Balita Biblia

³Ngunit tinalikuran na ng Israel ang kabutihan;
kaya't hahabulin sila ng kanilang kaaway.

⁴“Pumili sila ng mga hari nang wala akong pahintulot;
    naglagay sila ng mga pinuno, ngunit hindi naman ayon sa aking kagustuhan.
Ginawa nilang diyus-diyosan ang kanilang pilak at ginto
    na nagdala sa kanila sa kapahamakan.
⁵Kinasusuklaman ko ang guyang sinasamba ng mga taga-Samaria.
    Napopoot ako sa kanila.
Hanggang kailan pa sila mananatili sa karumihan?