Hosea 8:9-11

Ang Salita ng Dios (Tagalog Contemporary Bible)

⁹ Para siyang asnong-gubat na nag-iisa at naliligaw. Humingi siya ng tulong sa Asiria; binayaran niya^[a] ang kanyang mga kakamping bansa para ipagtanggol siya. ¹⁰ Pero kahit na nagpasakop siya sa mga bansang iyon, titipunin ko ngayon ang kanyang mga mamamayan at parurusahan. At magsisimula na ang kanilang paghihirap sa pang-aapi ng isang hari at ng mga opisyal^[b] niya. ¹¹ Nagpagawa nga sila ng maraming altar para sa mga handog sa paglilinis, pero doon din sila gumawa ng kasalanan.