Hosea 9:1-3

Magandang Balita Biblia (with Deuterocanon)

9 Huwag kang magalak, Israel!
    Huwag kang magdiwang tulad ng ibang mga bansa,
sapagkat naging tulad ka ng mahalay na babae.
    Tinalikuran mo ang iyong Diyos at nakipagtalik sa iba-ibang lalaki.
Ikinatuwa mong ika'y isang babaing bayaran,
    kahit saang lugar ika'y sinisipingan.
² Ngunit ang ginagawa nila sa giikan at sa pisaan ng alak ay hindi nila ikabubuhay,
    at ang bagong alak ay hindi nila matitikman.
³ Hindi sila mananatili sa lupain ni Yahweh;
    subalit ang Efraim ay magbabalik sa Egipto,
    at kakain sila sa Asiria ng mga pagkaing nagpaparumi at ipinagbabawal.