Hosea 9:13-15

Magandang Balita Biblia (with Deuterocanon)

¹³ Gaya ng aking nakita, ang mga anak ni Efraim ay nakatakdang mapahamak.
    Mapipilitan ang kanilang ama na dalhin sila sa patayan.”
¹⁴ O Yahweh, bigyan mo po sila ng mga sinapupunang baog
    at ng mga susong walang gatas.

¹⁵ “Lahat ng kanilang kasamaan ay nagpasimula sa Gilgal;
    doon pa ma'y kinapootan ko na sila.
Dahil sa kasamaan ng kanilang gawain
    sila'y palalayasin ko sa aking tahanan.
Hindi ko na sila mamahalin pa;
    mapaghimagsik ang lahat ng kanilang mga pinuno.