Hosea 9:5-7

Magandang Balita Biblia (with Deuterocanon)

⁵ Ano ang gagawin mo sa araw ng itinakdang kapistahan,
    at sa araw ng kapistahan ng pagdiriwang para kay Yahweh?
⁶ Makatakas man sila sa pagkawasak,
    titipunin rin sila ng Egipto,
    at ililibing sa Memfis.
Matatakpan ng damo ang kanilang mga kagamitang pilak;
    at tutubuan ng dawag ang mga tahanan nilang wasak.

⁷ Dumating^(A) na ang mga araw ng pagpaparusa,
    sumapit na ang araw ng paghihiganti;
    ito'y malalaman ng Israel.
Ang sabi ninyo, “Mangmang ang isang propeta,
    at ang lingkod ng Diyos ay baliw!”
Totoo iyan sapagkat labis na ang inyong kasamaan,
    at matindi ang inyong poot.