Hoseas 1:8-10

Ang Biblia, 2001

⁸ Nang maihiwalay niya sa pagsuso si Lo-ruhama, siya'y naglihi at nanganak ng isang lalaki.

⁹ At sinabi ng Panginoon, “Tawagin mo ang kanyang pangalan na Lo-ammi;^[a] sapagkat kayo'y hindi ko bayan, at ako'y hindi ninyo Diyos.”

Ibabalik ang Israel

¹⁰ Gayunma'y^(A) ang bilang ng mga anak ni Israel ay magiging parang buhangin sa dagat na hindi masusukat, o mabibilang man; at sa dakong sinabi sa kanila, “Kayo'y hindi aking bayan,” ay sasabihin sa kanila, “Kayo'y mga anak ng Diyos na buháy.”