Hoseas 10:14-15

Ang Biblia, 2001

¹⁴ Kaya't babangon ang kaguluhan ng digmaan sa iyong mga taong-bayan,
    at lahat ng iyong mga muog ay magigiba,
gaya ni Salman na giniba ang Bet-arbel sa araw ng paglalaban:
    ang mga ina ay pinagluray-luray na kasama ng kanilang mga anak.
¹⁵ Gayon ang gagawin sa inyo, O Bethel,
    dahil sa inyong malaking kasamaan.
Sa pagbubukang-liwayway, ang hari ng Israel
    ay pupuksain.