Hoseas 9:10-12

Ang Biblia, 2001

¹⁰ Aking^(A) natagpuan ang Israel na parang ubas sa ilang.
Aking nakita ang inyong mga magulang
    na parang unang bunga sa puno ng igos
    sa kanyang unang kapanahunan.
Ngunit sila'y pumaroon kay Baal-peor,
    at itinalaga ang kanilang sarili sa kahihiyan,
    at naging kasuklamsuklam na gaya ng bagay na kanilang inibig.
¹¹ Ang kaluwalhatian ng Efraim, ay lilipad papalayo na parang ibon;
    walang panganganak, walang pagbubuntis, at walang paglilihi!
¹² Kahit magpalaki pa sila ng mga anak,
    aalisan ko sila ng anak hanggang walang matira.
Oo, kahabag-habag sila
    kapag ako'y humiwalay sa kanila!