Hukom 4:11-13

Ang Salita ng Dios (Tagalog Contemporary Bible)

¹¹ Nang panahong iyon, si Heber na Keneo ay nagtayo ng tolda niya malapit sa puno ng terebinto sa Zaananim malapit sa Kedesh. Humiwalay siya sa ibang mga Keneo na mula sa angkan ni Hobab na bayaw^[a] ni Moises.

¹² Ngayon, may nakapagsabi kay Sisera na papunta si Barak sa Bundok ng Tabor. ¹³ Kaya tinipon ni Sisera ang 900 karwahe niyang yari sa bakal at ang lahat ng sundalo niya. At umalis sila mula sa Haroshet Hagoyim papunta sa Lambak ng Kishon.