Hukom 8:31-33

Ang Salita ng Dios (Tagalog Contemporary Bible)

³¹ May asawa pa siyang alipin sa Shekem at may anak silang lalaki na pinangalanan niyang Abimelec. ³² Namatay si Gideon sa katandaan. Inilibing siya sa libingan ng ama niyang si Joash sa Ofra, sa lugar ng mga angkan ni Abiezer. ³³ Hindi pa nagtatagal mula nang mamatay si Gideon nang muling tumalikod ang mga Israelita sa Dios at sumambang muli sa mga imahen ni Baal. Ginawa nilang dios si Baal Berit.