Isaias 61:1-4

Ang Biblia, 2001

61 Ang^{(A) (B)} Espiritu ng Panginoong Diyos ay sumasaakin;
    sapagkat hinirang^[a] ako ng Panginoon
upang ipangaral ang mabuting balita sa inaapi
    kanyang sinugo ako upang magpagaling ng mga bagbag na puso,
upang magpahayag ng kalayaan sa mga bihag,
    at buksan ang bilangguan sa mga bilanggo;
² upang^(C) ihayag ang kalugud-lugod na taon ng Panginoon,
    at ang araw ng paghihiganti ng ating Diyos;
    upang aliwin ang lahat ng tumatangis;
³ upang pagkalooban sila na tumatangis sa Zion—
    upang bigyan sila ng putong na bulaklak sa halip na mga abo,
sa halip na pagtangis ay langis ng kagalakan,
    sa halip na lupaypay na diwa ay damit ng kapurihan,
upang sila'y matawag na mga punungkahoy ng katuwiran,
    ang pananim ng Panginoon, upang siya'y bigyan ng kaluwalhatian.
⁴ Kanilang itatayong muli ang mga sinaunang naguho,
    kanilang ibabangon ang mga dating giba,
kanilang kukumpunihin ang mga lunsod na sira,
    na sa maraming salinlahi ay nagiba.