Isaias 1:17-19

Magandang Balita Biblia (with Deuterocanon)

¹⁷Pag-aralan ninyong gumawa ng makatuwiran;
    pairalin ang katarungan;
    tulungan ang naaapi;
ipagtanggol ninyo ang mga ulila,
    at tulungan ang mga biyuda.

¹⁸“Halikayo at tayo'y magpaliwanagan,” sabi ni Yahweh.
Gaano man kapula ang inyong mga kasalanan,
kayo'y aking papuputiin, tulad ng yelo o bulak.
¹⁹Kung susundin ninyo ang aking sinasabi,
tatamasahin ninyo ang ani ng inyong lupain.